دانلود آهنگ پیشاشو از گروه اوجا
متن آهنگ پیشاشو از گروه اوجا
هی روزؤنه شأنه چاگودن دومأرتئه جنگله
هی روزؤنه شأنه جؤرأدأن گل̌ سبز̌ بله
هی روزؤنه هرته خشک̌ خال، تینه دارأبون
هی روزؤنه دئه فیچئه بنه بنهˈن̌ ژگله
دئه ای گب کوچهˈن̌ مئن چؤ دکته: دیرو نبو!
ای دوخؤن چوشمؤن̌ سو-سؤ دکته: ایمروزه!
هی روزؤنه هرزمت بخأی، زمت، تی زمته.
تی زمت، می زمت و أمئه زمت، هی زمته!
بوشو راشئنه ورأگیر رامته چاکونی‌به
رامتهˈنه خؤندگی، تی پاصدای̌ مئن دره
زمتئبه خأ پیشأشؤ بگیریم تا فأرسه
هی توقایی ، هی أویرئه کی ای رای̌ مئن دره
بدأ هندئه، آسمؤن̌ مئن، سوبأین پرأگیره
خور̌سو، کوچهˈن̌ مئن، هی شؤه دس-پرأگیره
هی روزؤنه هندئه خأ أفتؤأجی جؤنأگیتن
جؤنه سامؤنأگیتن، شؤنه درآسؤنأگیتن.
دئه ای گب کوچهˈن̌ مئن چؤ دکته: دیرو نبو!
ای دوخؤن چوشمؤن̌ سو-سؤ دکته: ایمروزه!
هی روزؤنه هرزمت بخأی، زمت، تی زمته.
تی زمت، می زمت و أمئه زمت، هی زمته!
دیرو دؤنهˈنه فکأشتیم، خاک̌ سر أرسو فودیم
ایمرو خأ سیایی مئن، چوشمؤن̌ سو، کل بوکونه
فرده کرج̌ خنده خأ دیمه فتؤسنأگیره.
دئه ای گب کوچهˈن̌ مئن چؤ دکته: دیرو نبو!
ای دوخؤن چوشمؤن̌ سو-سؤ دکته: ایمروزه!
هی روزؤنه هرزمت بخأی، زمت، تی زمته.
تی زمت، می زمت و أمئه زمت، هی زمته!